بڈھی کتاب ۔۔۔ شو کمار بٹالوی
میں میرے دوست
تیری کتاب نوں پڑھ کے
کئی دن ہو گئے نے
سوں نہیں سکیا ۔
ایہہ میرے واسطے تیری کتاب بڈھی ہے
ایہدے حرفاں دے ہتھ کمبدے ہن
ایہدی ہر سطر سٹھیائی ہوئی ہے
ایہہ بل کے بجھ گئے
ارتھاں دی اگّ ہے
ایہہ میرے واسطے شمشانی سواہ ہے ۔
میں بڈھے ہونکدے
ایہدے حرف جد وی پڑھدا ہاں
تے جھرڑائے ہوئے
واکاں ‘تے نظر دھردا ہاں
تاں گھر وچ ویکھ کے
شمشانی سواہ توں ڈردا ہاں
تے ایہدے بجھ گئے
ارتھاں دی اگّ ‘چ جلدا ہاں
جدوں میرے گھر ‘چ ایہہ
بڈھی کتاب کھنگھدی ہے
ہفی تے ہونگدی
ارتھاں دا گھٹّ منگدی ہے
تاں میری نیند دے
متھے ‘چ رات کمبدی ہے ۔
مینوں ڈر ہے
کتے ایہہ بڈھی کتاب
میرے ہی گھر وچ
کتے مر نہ جاوے
تے میری دوستی ‘تے حرف آوے
سو میرے دوست
میں بڈھی کتاب موڑ رہا ہاں
جے جیوندی مل گئی
تاں خط لکھ دئیں
جے راہ وچ مر گئی
تاں خط دی کوئی لوڑ نہیں
تے تیرے شہر وچ
قبراں دی کوئی تھوڑ نہیں ۔
میں میرے دوست
تیری کتاب نوں پڑھ کے
کئی دن ہو گئے نے
سوں نہیں سکیا ۔
Shiv Kumar Batalvi was a Punjabi language poet, who was most known for his romantic poetry, noted for its heightened passion, pathos, separation and lover’s agony. He died in a very young age.
Read more from Shiv Kumar Batalvi
Read more Punjabi Poetry