دساں فیر ۔۔۔ زویا ساجد
دساں فیر
( زویا ساجد )
ٹن
پتھر اندر، دُھر اندر
اک کوَلی اکھ وی جیوندی اے
توڑو توڑی جے اوہ نظرے دارو دارو ہوندی اے
میریاں لکھتاں ” میں ” توں اڈ وی تیرے اندر سفنے کیرن
توں تے جاگیں میتھوں اتے
جندو ہتھوں پھٹر ہونا منگنا ایں
وٹیاں دی توں وستی اندر آپ چروکا وسنا ایں
رجن رجن سدھر تیری میتھوں کیہہ توں پچھنا ایں
بھکھا بھانا لگنا ایں
ہر اک پتھر چیت سلونا ٹیسی اتوں ڈگدا اے
ڈھیماں اتے ڈھے کے آپ تھڑکوں تھڑکوں کنبدا اے
رڑھدے رڑھدے کنگرے بھرون
بنٹا بن اوہ وجدا اے
کُھرلی اندر لُنا پتھر
چٹن چٹن منگدا اے
Facebook Comments Box