دو آبہ ۔۔۔ فطرت سوہان

دوآبہ

( مسعود قمر کے لیے)

۔۔۔۔۔۔۔۔۔۔۔۔۔۔۔۔۔۔

دریائے فرات لق ولق

صحراوں میں سے بھی گزرتا ہے

جہاں اس کا بھپرا ہوا تموج

اس کے سوا کوئی اور نہیں دیکھتا

لیکن اسے تو ہر حال میں بہنا ہے

تاکہ وہ آگے بڑھ کر

وہ دوآبہ تخلیق کر سکے

جو دنیا کا سب سے زرخیز دوآبہ ہے

سو

تمہیں فرات کی طرح بہنا ہے

اور

اپنے تموج کی شدت کو بھی

خود ہی محسوس کرنا ہے

تم تو اب نظم کی رود رواں ہو

امڑتے ہوئے مد و جزر تمہارے

پیٹ میں چھپے سارے کنکر

اور سارے موتی

کنار دریا پہ رکھ دیتے ہیں

ہاں| ہاں|

میں جب بھی لوٹوں گی

انہی کنکروں اور موتیوں کی

مالا پرو کر گلے میں پہنوں گی

کہ

تمہارے ساحل پر پڑے کنکر

مجھے موتیوں سے بھی بڑھ کر ہیں

۔۔۔۔۔۔۔۔۔۔۔۔۔۔۔۔۔۔۔۔۔

فطرت سوہان