لک ٹنوں ٹنوں دی واج نہیں آئی۔۔۔شمائلہ حسین

لک ٹُنوں ٹُوں دی واج نہیں آئی

شمائلہ حسین

ورہیاں توں تارے نہیں  تکے

دیوے دی میں لو نہیں سیکی

چن دے نال وی دوڑ نہیں لائی

سجھ دی اکھ وچ اکھ نہیں پائی

گلے وچ ٹھیپےنہیں رکھے

مٹی دی روٹی نہیں تھپی

امبڑی دی چنی نہیں سنگھی

پیو اپنے دے گل نہیں لگی

بھرا چندرے نال ضدنہیںلائی

نانے موڈے چوگ نہیں چُگی

لک ٹنوں ٹنوں دی واج نہیں آئی

وارث شاہ دی ہیر نہیں گائی

کیکلی دا گدا نہیں پایا

نہ ٹاہلی مڈھ گھر بنایا

سب گوا کے عمر کمائی

دُکھ وٹیا  تے جند لٹائی