نسرین انجم بھٹی — نظم

نظم

نسرین انجم بھٹی

طویل نظم دا اک حصہ

وے کیہڑا ایں میریاں آندراں نال منجی اُن دا

میرا دل دوان آلے پاسے رکھیں تے اکھاں سرہانے بنـے

میں سرہانے پھل کڈ ھنے نیں

دھرتی دی دھون نیویں ہووے

تے اوہدے تے اسمان نہیں چکا دیوی دا

بابا  کوئی کیڑا کڈھ

کرونڈیا ہووے تاں مینؤن لڑا دیئں

توں آپے ای تاں آکھیا سی جے اسیں دھیاں نوں داج اچ

کیڑے ای دینے آں، فیردے دے

بابا  !  دھیاں پتر اکو جیہے کیوں نہیں ہندے

جے دھی وڈی ہووے تاں تسی اوہنوں ٹُک ٹُک کے

پتر جیڈھی کر لیندے او

جے پتر وڈھا ہووے تاں دھی فیر ادـھی، فیر پونی، فیر کھنی

بابا وے  سولی تے سپ چڑھیا

ہنیری آونی اے  الاں نوں گھبرا پیا پیندا اے

دھیاں مر جانیاں نوں گھبرا پیندا اے

جیبھاں دی جھالر آلا فراک پا کے میں کندھ ٹپی

مینوں فیر وی بولنا ناں آیا

اسیں دھیاں چنگیاں ، اسیں پونیاں چنگیاں

ساڈی ڈھیری تے پیلو پکیاں تے وکدیاں وکدیاں بزارے آ گیاں

English Translation: Poem … Nasreen Anjum Bhatti