پلکن ہیٹھ گھنیر ۔۔۔ پرویز ڈار
نظم
پرویز ڈار
پلکن ہیٹھ گھنیر
وچ دُھپے دے لاٹوچاڑھے
دھرت مکھوٹے تینڈے
پلکاں کن من تھیاں
ماٹی وتر دی سانبھو
پر سرہوں دا چیتر پُھلیا
ہُم کُسیل دا تنبو تنیا
واء پتر تال وجاوے
تیں وچ ساگ دے باتھو
اڈیک ورولے چاڑھے
لوُ بھلاوے پاوے
تھاہر سجن دی اکھیں اوہلے
دل تے رہوے نہ قابو
کد مِلدے نیں جو ٹر جاون
انت وچحوڑا جے
وِٹرے چین تے منے ناہیں
لکھ پھوکو ٹونے جادو
Facebook Comments Box