پرندے بیوقوف نہیں ہوتے ۔۔۔ حفیظ تبسم

پرندے بے وقوف نہیں ہوتے

حفیظ تبسم

گمنام جزیرہ ہے
اور تنہا آدمی
جس کے چاروں طرف
پرندے نت نئی آوازیں نکال رہے ہیں

وہ یاد کرتا ہے
فاختہ کے قدیم گیت
اور عقاب کی درندگی کا مرثیہ
جب جنگل اور انسان
رشتے میں بھائی لگتے تھے
اور ایک ہی رنگ کے کپڑے پہنتے تھے

وہ قدیم روایت کے احساس تلے
جماہی لیتا ہے
اور تاریخ دہرانے کے لیے
پرندوں کے قبیلے میں شمولیت کی درخواست دیتا ہے