Zahid Hassan is a famous Punjabi poet and short story writer and author of two dozen books. He has been Research Assistant at LUMS.

بے انت دریا

( زاہد حسن )

بے انت دریا

اساں نیر بنا کے سانبھے

اکھاں وچ رنگ دریاواں دے

دل وچ تانگھاں پتنوں پار دیاں

اساں وہیئے سنگ دریاواں دے

ساڈے ساہا دریا

اسیں جُثے بیڑیاں کیتے

پانیاں چھوہیاں، شاماں سُوہیاں

ہرے ٹاپواں تے

اساں راہیاں پگ دھرے

رہے وے سجن، اسیں تیری تانگھوں ہرے بھرے

رُت پُھٹی، راتاں دا نشہ تن نوں چڑھیا

پُنیاں دا چن

رشماں دی پُھار لے

ساڈے ویڑھے وڑیا

اندر ساڈے وہین دریا

تن اساڈے بیڑیاں

اساں نیر بنا کے سانبھے

اکھاں وچ رنگ دریاواں دے