غزل ۔۔۔ اختر کاظمی
غزل
( اختر کاظمی )
داستاں کیا
ھو بیاں اشکوں کی
کون سنتا ھے فغاں اشکوں کی
وقت کے جبر کی زنجیروں کو
کیسے کاٹے گی سناں اشکوں کی
سسکیاں کس کو ھوں محسوس بھلا
بند آنکھوں میں نہاں اشکوں کی
رنج اپنوں نے دئیے ھیں اتنے
بن گئی زیست دکاں اشکوں کی
کیا کہیں ھے کوئی ایسا گوشہ
قدر ھو کوئی جہاں اشکوں کی
بے حسی میں جہاں راحت ھو وھاں
کیا ھے اوقات رواں اشکوں کی
بے اثر جب ھیں صدائیں اختر
کون سمجھے گا زباں اشکوں کی
Facebook Comments Box