منی ایچر ۔۔۔ ازہر ندیم
منی ایچرز (miniatures)
ازہر ندیم
منی ایچرز سے پیار کرنے والے جانتے ہیں
ایک چھوٹی سی کاٸنات کتنی حسین ہوتی ہے
ہم اپنی روح کی تمام تر دلکشی
دل کے آسمان کی وسعت
اپنی ریا ضت کا ہنر
اور ہاتھوں میں اترا ہوا تخلیق کا کرب
محبت کے کیمیاٸ عمل سے گذارنے کے بعد
رنگوں سے مہکتی ایک پینٹنگ
بونساٸ کے ننھے سے درخت
یا گیت جیسی چھوٹی سی نظم میں ڈھال لیتے ہیں
تو ہوا ، بادل ، پرندے خود ہم سے ملنے
اور ہماری ستاٸش کرنے کے لیے آتے ہیں
سر شاری کے یہ خوبصورت پل
ہماری زندگی کی خواہشوں کے منی ایچرز ہیں
ہمارے ہونے کی دلیل
اور ہماری سرگرمیوں کا جواز
منی ایچرز سے پیار کرنے والے جانتے ہیں
ایک چھوٹی سی کاٸنات کتنی حسین ہوتی ہے
۔۔۔۔۔۔۔۔۔۔۔۔۔۔۔۔۔
Facebook Comments Box