غزل ۔۔۔ فرح خان

غزل

( فرح خان )

تعـــــبیر اور وَصـــــــــل کی قندیل سے پَرے
مرتے ہیں خــواب آنکھ کی تحـویل سے پرے

نوحـہ پڑھیں یہ ہجر کا’ اوڑھیں بدن پہ خاکـــ
صحرا میں اشکـــ’ صبر کی زنبیل سے پرے

تجھ کو نہیں خبــر ۔۔۔۔ مِرا پیکـر بکھـــر چکا
کُـــوزہ گری کے شوق میں تکمیل سے پرے

جلتے چَــــــراغ اور ســـــفر کی صــعُـوبتیں 
رکھتی ہُـــوں آپ کُـــوچــہ ِ تذلیل سے پرے

خوش بُو اداســی پھول تو خـاموش ہو چکے
مجھ کو پُـکارتے ہُــوئے تمثــــیل سے پرے