Hafeez Dervesh is a renowned Pakistani journalist. He loves nature, books and human beings. Besides columns, he writes beautiful poems as well.

زمیں کا روگ ہیں ہم سب

( حفیظ درویش )

محبت چاہیے ہم کو

محبت سے ہمیں نفرت

یہ دہشت ہم اگاتے ہیں

ہے دہشت سے ہمیں نفرت

خیانت میں ہیں ہم اول

خیانت سے ہمیں نفرت

بغاوت ہے مزاجوں میں

بغاوت سے ہمیں نفرت

سراپا ہم عداوات ہیں

عداوت سے ہمیں نفرت

ہمیں نفرت سے رغبت ہے

ہے نفرت سے ہمیں نفرت

تمہیں میں کیا کہوں ہمدم

کہ کیسے لوگ ہیں ہم سب

سراپا سوگ ہیں ہم سب

زمیں کا روگ ہیں ہم سب