گندگی تو کہیں بھی ہو سکتی ہے ۔۔۔ منزہ احتشام گوندل

گندگی تو کہیں بهی ہو سکتی ہے

منزہ احتشام گوندل

.

اے ٹی ایم مشین سے ابلتی خواہشیں

اس بدکردار گندگی کی طرح ہیں

جس پر کوئی الزام نہیں آتا

گندگی کہیں بهی ہو سکتی ہے

کہیں بهی رہ سکتی ہے

گندگی شرمندہ نہیں ہوتی

ہوٹلوں میں،چائے خانوں میں

دماغوں کے اندر

سینوں کےاندر

جسموں کے اندر

پروفیسر کے کمرے کے دروازے کے پیچهے رکهی باسکٹ میں

یا ڈاکٹر کی جیب کے اندر

لوکل بس کے کنڈیکٹر کی زبان پر

ڈرائیور کی آنکهه کے اندر

سیاست دان کے دل میں

صاحب تکیہ کے آزار بند کے اندر

گندگی تو کہیں بهی ہو سکتی ہے

کہیں بهی رہ سکتی ہے