بانجھ اونٹنیوں کے کوہان ۔۔۔ نودان ناصر
نظم
نودان ناصر
سرد صحرا کی تپش ~
اُداس دشتوں کی روشنی
بانجھ اونٹنیوں کے کوہان
راہِ عدم کے ساربان
کوچہِ سُرخ کی کلیاں
کوہِ دمن کے باسیان
حجتِ تکرار کی مجالس
گہنائی باہوں کی بیوگی
اُلجھائی سوچوں کی تیرگی
نیلگوں آسماں کی زردی
پُرفتن قصوں کی حوالگی
جہلِ لاشعور کی تشنگی
آبِ جلال کی پیاس
روحِ ملال کی آس
میں اور تُم،
کُچھ نہیں؟
اس رکھیل سماج کے
دیمک خوردہ رواج کے
گُزرے کل نہ آج کے
ترے نہ مرے مزاج کے
تاویلات ِلامُتنہا
کیا یہی ہیں سب کُچھ ؟
Facebook Comments Box