نہیں تیرا اتبار نی جندے ۔۔۔ بشری ناز
غزل
بشری ناز
توں ایں استا کار نی جندے
میں بھولی مٹیار نی جندے
تھاں تھاں توں اے پھٹّر جُثّہ
تیرے ہتھ کٹار نی جندے
تیری آس تے جیواں کیویں
نئیں تیرا اتبار نی جندے
توں نئیں ساتھ ہمیشہ دیناں
کاہدے قول قرار نی جندے
اک دن انکّھ دا بھانڈا بھجنا
اک دن ہونی ہار نی جندے
توں مینوں کیہ دے سکنی ایں
توں تے آپ ادھار نی جندے
ساہ ودھا دے جو بشریٰ دے
کون او ساہو کار نی جندے
Facebook Comments Box