مرد بنن دی راہ ۔۔ طاہرہ کاظمی

مرد بنن دی راه

طاہرہ کاظمی

بھل کے دیکھ لے

او ہو ہاں تے

او ہو رہساں

جے توں پرت کے کجھ وی بولی

توڑ کے مونہہ ، دند ہتھ پھڑ ا ساں

 گلھاں لال چپیڑاں لاساں

توں سمجھی میں

بدل گیا واں

آہو ہن میں بدل گیا واں

ہن میں اوہ نہیں جیہڑا تیریاں گلاں سُن کے

چُپ رہندا ساں

تیری لمی زبان وی مینوں

چس دیندی سی

اودوں میں تیری آکڑ دیکھ کے

ہس پیندا ساں

دل کہدا سی

ایہنوں تھلے لا کے، پا کے

خالص بین دا نشه آسی

ایہدی لمی زبان نوں وڈھ کے

ایہدی ساری آکڑ بھن کے

ایہدیاں اڈیاں ہڈیاں تروڑ کے

کدھری کداری نیندر آسی

دل نوں تیرے یقین نہیں آندا؟

عقل نوں دھوکھا پیندا اے تے

بول کے دیکھ لے

اپنے مونہہ نوں کھول کے دیکھ لے

ایہہ سونا اے نہ کرن دا

ایہہ رستہ اے مرد بین دا

( کتاب : جُتی ::وچوں )