کالر بدل کر پہنی محبت ۔۔۔ سمیرا قریشی
کالر بدل کر پہنی محبت
سمیرا قریشی
اگر
تم جنگلوں کی طرف جاو
تو
ڈھونڈنا وہ دخت
جن پہ کندہ ہوں بہت سے نام
جس نام کا چاہو
مجھے درخت بنا کر
مجھ سے ٹیک لگا کر سوجانا
قمیض کا کالر بدل کر پہننے سے
قمیض کی زندگی بڑھ جاتی ہے
نیا کالر ہمیں لے جائے گا
پرانے خواب میں
جب ہم نے ایک دوسرے کے ساتھ
ٹیک لگا کر دھوپ سینکی تھی
جب ہم نے
ایک دوسرے کے کالر پہ بیٹھے
جگنو کی روشنی میں
ایک دوسرے کو دیکھا تھا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سمیرا قریشی
Facebook Comments Box