جثہ کنمبے ۔۔۔ عائشہ اسلم ملک
جثہ کنمبے
( عائشہ اسلم )
جثہ کنمبے
تاں روح دی پیڑ
چیتے نہیں رہندی
ورھیاں دا کھال ٹپیے
تے جوانی وٹائی جاندی اے
متراں دی سک
ورھیوں پہلاں اڈیکی سی
ہن آپوں کنی پھڑ کے
گل نال آ لگی اے
تے کیہہ آکھاں
ناں ہسن جوگی
ناں ہنجو روگی
ہن بھیڑے بوہے وچوں
کوئی لنگھ آوے
تے بندہ کیہہ کرے
جیون مرن اکو مُٹھ وچ
تلی نوں رتیاں کردی
لوکی سمجھن مہندی
میں گھنڈ وچ آپ نوں لکایا
پر اکھاں ننگیاں کر دیندیاں نیں
فیر کجن لئی
اپنا ہتھ وی پورا نہیں اوندا
اے جثہ وے
کہ گال ؟
Facebook Comments Box