ایک نظم ۔۔۔ ابرار احمد

ایک نظم

ہر روز کوئی قلم ٹوٹ جاتا ہے

کوئی آنکھ پتھرا جاتی ہے

کوئی روزن بجھ جاتا ہے

کوئی چہرہ ساکت ہو جاتا ہے

کوئی سسکی جاگ اٹھتی ہے

ار کوئی ہاتھ جھڑ جاتا ہے

ہر روز

کوئی چھت بیٹھ جاتی ہے

کوئی درخت گر جاتا ہے

کوئی آہٹ رخصت ہو جاتی ہے

کوئی آواز بستر کی سلوٹوں میں جاگ اٹھتی ہے

اور ایک زمانہ خاموش ہو جاتا ہے

ہر روز

میری آنکھ سے تیرے لیے ایک آنسو گر جاتا ہے

ہونٹوں سے ایک دعا اتر جاتی ہے

اور ایک دن غروب ہو جاتا ہے

اور ایک روز

موسم گدلا جایئں گے

چہرے چپ ہو جایئں گے

سارے دن

میرے اندر غروب ہو جایئں گے

اور آتے ہوئے روز میں

ٹوٹا ہوا قلم

ایک نام کا دھبہ

اور کٹی ہوئی انگلیوں کے نشان ملی

Abrar Ahmad started his poetic journey in 1980.  His poetry frequently revolves around themes of existentialism, often reminiscing about meaning of life, disillusionment and displacement.

To date, Abrar Ahmad has two published poetry collections. One book is a collection of poems, Akhri Din Sey Pehlay (1997), and the other is a collection of ghazals, Ghaflat Kay Brabar (2007).

Read more from Abrar Ahmad.

Read more Urdu Poetry