رس دی بانی ۔۔۔ غلام حسین ساجد
رس دی بانی
غلام حسین ساجد
اندر اگ اے
اگ دا دارو نیندر
نیندر دا کیہ دارو ؟
باہر چپ اے
چپ دا دارو ہاسا
ہاسے دا کیہ دارو ؟
اگے کال اے
کال دا دارو اکھاں
اکھاں دا کیہ دارو ؟
پِچھے ماروُ
ماروُ دا اے داروجُھمر
جُھمر دا کیہ دارو ؟
جُھمر جے جُھمر دا دارو
جُھمر اگ بجھاوے
جُھمر چپ نوں بھنے
جُھمر کال نوں کھاوے
ساہ اندر ساہ پاوے
جُھمر اندر رہ کے کوئی کلیاں رہ نہیں سکدا
جھمر دا دریا وجوداں وچوں ہو کے وگدا
Facebook Comments Box