Masood Qamar is one of the finest poets of Pakistan. He loves humanity, has a very soft heart but a powerful pen. Originality and modern sensibility in his poetry is amazing

خواب کے ساتھ بندھا شخص

( مسعود قمر )

۔
میں جب صبح گیا
رات کے خواب کا نشان
پہلے ہی سے گھاس پہ موجود تھا
میں نے جلتے ہوئے
کاغذوں کی راکھ کو کریدا
راکھ کی نیند میں
خواب ابھی جاگ رہا تھا
میری ہڈیوں کے گودے میں
اس سال کی برف بھی بھر چُکی ہے
مگر
میں نے خواب کو ٹھٹھرنے سے بچائے رکھا
چاند جب
بندھی ہوئی کشتیوں پہ
ہولے ہولے جھول رہا تھا
وہ عورت
چُپکے سے خواب سے نکل گئی
اور اب میں
گھاس ،راکھ ، چاند برف
اور
خواب کے ساتھ بندھا
ہولے ہولے جھول رہا ہوں