کافی

( سرمد صہبائی )

دل نہ ازل سے راضی سایئں

دل نہ ازل سے راضی

ایک ہی رمز سمائی من میں

کیا مفتی کیا قاضی سایئں

دل نہ ازل سے راضی

آدھی رات میں کُوک سخن کی

اڑتی آتش بازی سایئں

دل نہ ازل سے راضی

تیری دید سے موسم بدلا

جاگ لگی کیا تازی سایئں

دل نہ ازل سے راضی

چکھوں حال میں حال کی مستی

کیا مستقبل کیا ماضی سایئں

دل نہ ازل سے راضی

بوسہ بوسہ آیت اترے

تسبی پڑھیں نمازی سایئں

دل نہ ازل سے راضی

جنم جنم میں بانٹے عمریں

تیری زلف درازی سایئں

دل نہ ازل سے راضی

تنگ کمر کی ڈال کے اوپر

پھول کھلا پشوازی سایئں

دل نہ ازل سے راضی

تیرا شوق ہے جنت دوزخ

اپنی دھن سُ سارزی سایئں

دل نہ ازل سے راضی

آ مِل ڈالیں حال دھمالیں

طبل بجے شیرازی سایئں

دل نہ ازل سے راضی

سنگ کو آب کرے ہے سرمد

تیری سخن گدازی سایئں

دل نہ ازل سے راضی