لا نظم ۔۔مال روڈ سے آگے ۔۔۔ نجم الحسنین حیدر

لا نظم ۔۔۔ مال روڈ سے آگے

نجم الحسنین حیدر

1۔۔۔۔ بے خبری نے دروازے سے اندر جھانکا

موت اور صحرا کھیل رہے تھے

چرخہ، دریا، ندیا ، گھاگھر سب ہی اک تھے

دالانوں سے بازاروں تک ۔۔۔۔ مٹیالی سی دھوڑ مچی تھی

سارے تن میں چنمبیلی سی آگ لگی تھی

2۔۔۔۔۔ باخبری نے یکہ پھینکا

چھناکے سے برتن ٹوٹے

مونا لیزا روتے روتے دیواروں سے سر ٹکراتی

اک برگد سے لڑتے لڑتے

مال روڈ کے ٹی ہاوس میں جا کر ناچی

ہنسنا، گانا اور کچھ لکھنا بھول گئی

3۔۔۔۔۔ بے خبری اور با خبری سے باہر نکلے

لمحوں کی زنجیر کو توڑا ۔۔۔۔ صدیوں کی تصویر کو پھاڑا

اک نقظے کی آنکھ میں گر کر ۔۔۔۔ تن سے، من سے،۔۔۔۔ جان بچائی

منزل پائی ۔۔۔۔۔۔۔۔۔ !