ہن اوہ پہلے والی گل نہیں رہ گئی ۔۔ دلشاد نسیم
ہن او پہلے والی گل نہیں رہ گئی
دلشاد نسیم
شکر دوپہرے ۔۔۔۔۔۔۔۔۔۔۔۔ پینگ ہلارے
ماں کنیاں واجاں دیندی سی
اڑیے ۔۔۔ ہن او پہلے والی گل نہیں رہ گئی
چلھے لو دی ہنیری پاویں
لکھ سورج پیا تپے
ہندی ماں تے واجاں دیندی
سو سو واری صدقے جاندی
پھڑ کلیجہ ڈردی کہندی
ٹٹ پین تیرے پینگ ہلارے
اسیبی بیری ۔۔۔۔ شکر دوپہر اے
توں کیوں سوہنیے گھر نہیں بہندی
فیر ریجاں نال آپ بنا کے
دودھ شربت دا ٹونا کر کے
اپنی ہتھیں آپ پیاندی
نالے دنیا بھیڑی کنی
گھٹ گھٹ دے نال کہندی جاندی
ہن شکر دوپہرے کلی بہہ کے
بوہے تکدی رہنی آں
اندر بار لو پئی چھلسے
جا کے اڑیے کنوں دسیے
ماں ہندی تے واجاں دیندی
شربت دودھ دا ٹونا کر دی
ہن تے ۔۔۔۔۔۔۔۔۔۔ شکر دوپہرے
بس چپ جئی وسدی رہندی
Facebook Comments Box