دو تے دو تن ۔۔۔ اوتار سنگھ پاش

دو تے دو تِن

اوتار سنگھ پاش

میں سدھ کر سکدا ہاں-
کہ دو تے دو تنّ ہندے ہن
ورتمان متھہاس ہندا ہے
منکھی شکل چمچے ورگی ہندی ہے۔
تسیں جاندے ہو-
کچہریاں، بسّ اڈیاں تے پارکاں وچ
سو سو دے نوٹ تردے پھردے ہن۔
ڈائریاں لکھدے ، تصویراں لیندے
تے رپورٹاں بھردے ہن،
قانون-رکھیا، کیندر وچ
پتر نوں ماں، تے چڑھایا جاندا ہے۔
کھیتاں وچ ‘ڈاکو’ دہاڑیاں تے کم کردے ہن۔
منگاں منیاں جان دا اعلان،
بمباں نال کیتا جاندا ہے۔
اپنے لوکاں دے پیار دا ارتھ
‘دشمن دیش’ دی ایجنٹی ہندا ہے۔
اتے
ودھ توں ودھ غداری دا تغما
وڈے توں وڈا رتبہ ہو سکدا ہے
تاں-
دو تے دو تنّ وی ہو سکدے ہن۔
ورتمان متھہاس ہو سکدا ہے
منکھی شکل وی چمچے ورگی ہو سکدی ہے۔