کیہڑا رنگ اے ؟ ۔۔۔ عارفہ شہزاد
کیہڑا رنگ اے ؟
ڈاکٹر عارفہ شہزاد
کالیاں چٹیاں اِٹاں
نالے کالی چٹی روح
کیہ لیندے او سُو ؟
اوہی تھاں اے
جتھے مدتاں توں رہندی آں
بس آپے میں رنگ وٹایا
رتیاں اٹاں اتے کالا رنگ وہایا
فیر وی کالیاں لگدیاں نیئں نیں
میں وی کالی چٹی نیئں آں
اندر میرے
ہن وی ست رنگ چھلاں مارن
میں ڈبدی نوں کیویں اوہ تارن
اندر دریا، باہر اے مٹی
مٹی اُتے لگیاں اِٹاں
اٹاں تے دریانیئں وگدے
متھا پِٹاں
چٹا چولا کیوں پایا سی
پایا وی تے کیوں نہ اوہدا رنگ چڑھایا
دس نی بیبو ۔ توں کیہ پایا ؟
Facebook Comments Box