لُچی دھرتی ۔۔۔ شو کمار بٹالوی

لُچی دھرتی

شو کمار بٹالوی

انبر دا جد کمبل لے کے

دھرتی کل دی سُتی

مینوں دھرتی لُچی جاپی

مینوں جاپی کُتی

سدا ہی راج گراں سنگ سُتی

راج گراں سنگ اٹھی

ایہہ گل وکھری ہے کہ اوہناں

اکھیاں اُپر چکی

اوہ دھرتی نوں ماں کہندے ہن

بھاویں ایہہ ہے کُتی

اوہناں اینوں لاڈ لڈایا

پر ایہہ رُسی رُسی

کئی واری ایہدی عزت رل کے سو سکندراں لُٹی

ایہنے راج گراں چوں آکے

فیر وی بات نہ پُچھی

اج توں میں ایہنوں لُچی کہندا

اج توں میں ایہنوں کُتی

کل تک جیہڑی ماں واکن میں

اکھیاں تے سی چُکی