نظم ۔۔۔ زبیر احمد
نظم
زبیر احمد
رتّ بدلے تاں چیتے پون
رتّ بدلے تاں چیتے پون
شاماں ورگے لوک، بدلاں جہے دن
مٹھی ٹور حیاتی نوں انہونی دا ساہ تانن نوں کردا اے
دھر اندر بے ملومی جہی یاد دی سک اے
ویہڑے دی پچھلی پرانی کندھ اتے
انوجودے رکھاں دے جھولے پیندے نیں
بند چیتے دی کنڈی اتے انڈٹھے ہتھ دی چھوہ اے
یار گواچیا !
ربّ سببیں، جے وا بہتی تیز ای وگّ پئی
ایس ابلدے شہر دے اندر
ساڈے دل بہتے ای خالی رہِ جانے نیں
اسیں بے قدرے نخسمے آں
بے پرواہی وچ ڈولھ بہنے آں
پچھلی رت دے بھرے تھال
Facebook Comments Box