اُٹھ کُڑیئے چل اُدھل جا

(آصف شاہکار)

ہیر تے صاحباں  ادھل گئیاں

جگ سارے  دا تارا تھئیاں  

توں وی  ہیر کہا  

اْٹھ کڑئیے  چل اْدھل جا

ماپے جھوٹھے  کرن سیاپے

آپنی زندگی جیون آپے

تینوں پائوندےپھاہ

اْ ْٹھ کڑئیے  چل اْدھل جا

رحم تےمنگن  کِیرے کڑمے

بے غیرت مْردے   بے شرمے  

ٹھوٹھا بھن تے نعرہ لا

اْ ْٹھ کڑئیے  چل اْدھل جا

رونا دھونا  چْلھے پا  دے

مونہہ توں ہنجو ں پکے لاہ دے

اْٹھ  کے   روپ وٹا

اْ ْٹھ کڑئیے  چل اْدھل جا

جت ای جت منیں نا ہار

کس لنگوٹا  للکرے مار

گھوڑے چڑھ  مداں چ آ

اْ ْٹھ کڑئیے  چل اْدھل جا

چھڈ دے  غیراں والا  بوہا

آپنے آپ توں کیوں ڈرنی ایں

آپنے آپ نال یاری لا

اْٹھ کڑئیے  چل اْدھل جا

توں وی  ہیر کہا

 اْٹھ کڑئیے  چل اْدھل جا

 گل چوں  لاہ دے پھاہ

اْٹھ کڑئیے  چل اْدھل جا

ٹھوٹھا بھن تے نعرہ لا

اْ ْٹھ کڑئیے  چل اْدھل جا

اْٹھ  کے   روپ وٹا

اْ ْٹھ کڑئیے  چل اْدھل جا

گھوڑے چڑھ  مداں چ آ

اْ ْٹھ کڑئیے  چل اْدھل جا

آپنے آپ نال یاری لا

اْٹھ کڑئیے  چل اْدھل جا

اْٹھ اْدھل جا

  چل اْدھل جا