غزل ۔۔۔ فرح خاں
غزل
فرح خاں
ہنجواں دے دریا وچ تردی رہنی آں
دھپاں سہہ سہہ فیر وی ٹھر دی رہنی آں
مینوں گھر دیاں کنداں پچھدیاں رہندیاں نیں
ہسدی روندی کیہہ میں کردی رہنی آں
اڈ پڈ جانی نیندر لڑدی اکھیاں نال
خواباں دے وچ ہوکے بھردی رہنی آں
ساہواں دی رفتارتوں ایداں لگدا اے
اوہدے باہجوں کلی مردی رہنی آں
تیری یاد دے چانن جد دا ڈنگیا اے
میں پرچھانویں توں وی ڈردی رہنی آں
جے کر تیرے در توں اٹھ کےجاواں تے
فیربھلا میں کیہڑے در دی رہنی آں
اوہدے آن دی آس امید سہارے تے
میں لوکاں دے طعنے جر دی رہنی آں
Facebook Comments Box