عائشہ اسلم ملک … ہور خیال نہ کوئی

ہور خیال نہ کوئی

جے میں سوہنی ہوندی

تے وچ چنہاں دے

کدے نہ مردی

جے میں سسی ہوندی

تے وچ تھلاں دے

پُنوں یار دی خاطر

اپنا آپ گنوادی ناں

پیار بھلیکھے پاوندی ناں

جے میں ھیر نمانی ہوندی

ڈولی چڑھ کے جاندی ناں

رانجھن نوں ازماندی ناں

ایہہ وی سچ اے

جے مٹیار نہ ہوندی

پیار کسے نال پاوندی ناں

جیوندے جی مر جاندی ناں

پر ہُن پیار دی گانی

گل وچ پا کے

میں کیہہ سوچاں ؟

میں کیہہ جانان ؟

دل دیاں رمزاں

Ayesha Aslam is a born artist. A beautiful, resonant and unique voice of Radio Pakistan and PTV. She is a famous poet, scriptwriter, short story writer in Urdu and Punjabi languages.
Read more from Ayesha Aslam Malik

Read more Punjabi Poetry