دنیا لاہور توں شروع ہوئی۔۔۔۔زاہد حسن

دنیا لاھور توں شروع ھوئ ۔

زاہد حسن

میں ھر انسان نوں ایہی آکھیا

دنیا لاھور توں شروع ھوئ

تے ھک روز، سارے جہاناں دا چکر لاوندی ،

اخیر، لاھور ای آن اپڑے گی

پر،اوسلے تیک میری ایہ گل نہیں منی ،کسے انسان نے

جدوں تیک اوہ لاھوری گیٹ توں لنگھ کے، ایہدے دراں، دیواراں وچ آپ ای نہیں سما گیا ۔

اخیر، اوس آکھیا،

میں سنیا،سوچیا تے آگیا، لاھور وچ

تے میں سبھ توں پہلاں ویکھیا،

ایتھے دے باگاں نوں تے مٹیاراں نوں

باگاں مینوں بھینٹ کیتے آپنے پھل

تے مٹیاراں آپنے ھسدے مکھڑے

جیہناں نال چڑھی سورج نوں لالی

تے ملی چن نوں رشنائ

اج وی دنیا ٹردی ھے،

لاھوروچکاروں لنگھدی نہر دے نال نال

تے رکدی ھے ساہ لین واسطے

کدی جیل روڈ تے کدی کیمپس وچکار ۔