Neelma Naheed Durrani, belongs to Lahore, Pakistan. She is a writer, poet and columnist.

کجھ نظماں

( نیلما ناہید درانی )

1

اوہنے مینوں کیہہ دتا سی

نہ کوئی یاد تے نہ ای سُکھ

کدی تے مینوں ملیا ہوندا

فیر وچھڑن دا دُکھ تے ہوندا

کوئی گل تے کیتی ہوندی

کوئی یاد تے دتی ہوندی

2

نہ کوئی یاد سی

نہ کوئی غم سی

نہ کوئی دکھ تے پچھتاوا سی

فیر وی نیندر دور سی میتھوں

خورے ان جانے ان چاھے

ہویا کوئی قصور سی میتھوں

3

توں ربا کاہدا حساب لیں گا

کدی تے ملنا عذاب ہویا

کدی وچھڑنا عذاب ہویا

کدی رُتاں دے عذاب آئے

کدی دکھاں دے عذاب آئے

کدی توں اگ دا عذاب دتا

کدی توں پانی سراب دتا

کدی حیاتی عذاب لنگھی

کدی قبر وچ آئی تنگی

دونویں جہانیں عذاب دے کے

توں ربا ! کاہدا حساب لیئں گا