ایس توں پہلاں ۔۔۔ صبا پرویز کیانی
ایس توں پہلاں
صبا پرویز کیانی
ایس توں پہلاں
ویکھ
ویلے دے پیر نے کتوں
ٹھیڈا کھا کے نہیں ڈگنا
ایہنے تاں اڈنا ہے
ایس توں پہلاں
کہ عشق دی سوادی برکی
جروانے ویلے دی چیل
ہتھاں چوں کھو لوے
چل ایہنوں کھا لئیے
جوت دے کوسےچلھے
عشق دی جیہڑی اگ اسی بالی ہے
ایس توں پہیلاں
کہ سمے دی دوکھی ہنیری
ایہدا نشٹ مار دے
چل ایہنوں سانجھا سیک لئیے
آساں دے روشن ویہڑے اچ
پیار دے سوہے پھل
جہیڑے ہتھیں اسی بیجے سن
ایس توں پہلاں
کہ چندری ہوا دے ٹونے نال
ایہہ کملا جانڑ
ایہناں دی مھٹڑی سوگندھ اچ
مہک جایئے
ایس توں پہلاں
نکرمی گھڑی دے کسے دھکے نال
ساڈی پریت
انیائی موت مر جاوے
تے
ساڈیاں ریجھاں ہف ہفا کے
کالے ہنیرے دی بکل مار
سوں جانڑ
آ اکھاں میچ کے
پیار دے سچے گیت گائیے
تے گاوندے گاوندے امر ہو جایئے۔
Facebook Comments Box