پتھیرے ۔۔۔ سلیم نجمی

پتھیرے

سلیم نجمی

اسیں سدھراں دل وچ نپیاں

اسیں بھٹھے اٹاں تھپیاں

اسیں رہے آں نت قرضائی

توڑ نہ سکے بھکھ دے گھیرے

سانوں آکھن لوک پتھیرے

مکھ تے ہاسے آ نہیں سکدے

اسیں رج کے روٹی کھا نہیں سکدے

نسلاں مٹیوں مٹی ہوئیاں

مک نہ سکے گھپ انھیرے

سانوں آکھن لوک پتھیرے

رہے آں پل پل اگ دے اگے

دکھ نہ پھولے جگ دے اگے

اک جہے ساڈے دن تے راتاں

غربت ہسدی چار چفیرے

سانوں آکھن لوک پتھیرے

اکھاں چھم چھم رون پئیاں

کچیاں چھتاں چوون پئیاں

وِلھ جاندے سبھ لیف رزائیاں

لہ جاندےنیں پوچے پھیرے

سانوں آکھن لوک پتھیرے

سیٹھ نوں مِنتاں نال مناندے

فر جا کِدھرے آندے جاندے

نجمی جند چھڑا نہیں سکدے

ساڈے رُل گئیے وڈ وڈیرے

سانہوں لوکیں آکھن پتھیرے

Similar Posts:

Share your Thoughts:

This site uses Akismet to reduce spam. Learn how your comment data is processed.

Calendar

May 2021
M T W T F S S
 12
3456789
10111213141516
17181920212223
24252627282930
31  
Show Buttons
Hide Buttons
%d bloggers like this: