یار اڑیا ۔۔۔ تنویر قاضی

یار اڑیا

تنویر قاضی

(شِو کماربٹالوی واسطے )

یار اڑیا
یارڑیا
یار اڑیا
گورے پیراں ہیٹھاں
سُرخی مَلیا تھڑیا
بِھیڑی گلی دے نیلے گھر دی چِخ دے اوہلے
کون سی ہاسا ڈَک کے کھڑیا

ویکھن گردن موڑ موڑ کے
لکے کبوتر
کُوزیاں وچ دُدھ کَڑیا

ساڈے دل دی لیر لویٹیا
تیرے سوہن سراپے جیڑا
رنگ اسمانی چڑھیا

اکھاں وچوں ڈُلھیا ہنجُو
ہجر تالاب دی کائی اُتوں
جا کُونجاں نے پھڑیا

خورے کون گھسیٹیا جااندا اے اَپڑ برُوہاں
خواباں دا لَڑ پَھڑیا

دل یاداں دے شاور تھلے
سنگھنے عطر دی شیشی دوہل کے نہاتا مَل مَل
دُھپ بِرہا دی سَڑیا

اک چمگادڑ پچھے لا کے
سارا شہر قرنطینہ جا وڑیا

کدی زمینی خلقت ویکھ لَے
ٹبیوں ڈَھ کے
نُوری عرشی چَھڑیا

Share your Thoughts:

This site uses Akismet to reduce spam. Learn how your comment data is processed.

Show Buttons
Hide Buttons
%d bloggers like this: