میرے وچوں بول ۔۔۔ اُم ِ عائشہ

میرے وچوں بول

( اُم ِ عائشہ )

میرے وچوں بول وے مرشد
ساریاں رمزاں کھول وے مرشد

ھو دا ورد پکاوے لوں لوں
میری نبض ٹٹول وے مرشد

ہجرنوں وصل دا دارو دے کے
آ بہہ میرے کول وے مرشد

دیدے تیری دید نوں ترسن
اکھاں ہتھ کشکول وےمرشد

ہن تےمیری بانہہ نوں پھڑلے
پھراں میں ڈانواں ڈول وے مرشد

ایس حیاتی عیب بھرے نیں
انج نہ ایہنوں پھول وے مرشد

میرا ہونا لازم ہووے
عائشہ کہہ کے بول وےمرشد

Share your Thoughts:

This site uses Akismet to reduce spam. Learn how your comment data is processed.

Show Buttons
Hide Buttons
%d bloggers like this: