غزل ۔۔۔ زرغونے خالد

غزل

زرغونے خالد

جے، تیڈی یاد، نہ ایں دل دا ،سہارا تھیسی

ول، ساکوں آپ ڈسا، کیویں گزارا تھیسی

جے کہیں آپڑیں ناں نال تیڈا ناں چا لکھیا

 آوندی اے گال کیویں ساکُوں گوارا تھیسی

أونویں تھیسی جیویں چاہیں توں ہمیشہ کیتے

 أن تے ، ٹر پوسوں جڈیں تیڈا ، إشارا تھیسی

بد نظر لوکیں دی نظریں توں بچانویں مالک

تیڈی رحمت ، ایں نحوست دا تارا تھیسی

 ہک ایہو دل ہی بچا ہا ، جو میڈا آپڑاں ہا پیا

کیا خبر ہئی جو اے ہک ڈینہہ تیکوں پیارا تھیسی

 توں جو آسیں تے بہاراں وی اتھاں آویسن

 تیڈا آنو نڑ ہی ، ساڈی مونجھ دا ، چارا تھیسی

 بنز تیگوں خواب دیوچ ڈیکھسوں زرغونے ولا

نندر آوسی تے، ولا وت اے ، نظارا تھیسی