میرا شہر سیالکوٹ ۔۔۔ کلدیپ نیئر

Kuldip Nayar was an Indian journalist, syndicated columnist, human rights activist, author and former High Commissioner of India to the United Kingdom noted for his long career as a left-wing political

commentator.

میرا شہر سیالکوٹ

کلدیپ نیئر

ہر سال یوم آزادی کی تقریبات سے مجھے وہ دن یاد آ جاتے ہیں جو میں نے اپنے آبائی شہر سیالکوٹ میں بسر کیے۔ قانون کی ڈگری حاصل کرنے کے بعد میں ایک وکیل کے طور پر اپنا کیرئیر شروع کرنا چاہتا تھا لیکن تقسیم نے میرے سارے منصوبوں کو تہہ و بالا کر دیا اور مجھے اس جگہ کو چھوڑنے پر مجبور ہونا پڑا جہاں پر کہ میں پیدا ہوا اور پروان چڑھا۔ جب بھی میں اس کے بارے میں سوچتا ہوں تو غمزدہ ہو جاتا ہوں۔ سیاہ بادلوں کے کنارے پر جو چمکتی ہوئی لائن نظر آتی ہے وہ یہ کہ ہندوؤں اور مسلمانوں کے ذاتی تعلقات زیادہ تر متاثر نہیں ہوئے۔

میرے والد جو کہ میڈیکل ڈاکٹر تھے انھیں سیالکوٹ چھوڑ کر جانے سے روک دیا گیا۔ لہٰذا میری ماں اور میرے والد نے ایک دن لوگوں کو بتائے بغیر گھر چھوڑنے کا فیصلہ کر لیا اور ٹرین پر سوار ہو گئے لیکن چند نوجوانوں نے انھیں پہچان لیا اور منتیں کیں کہ چھوڑ کر نہ جائیں۔ میرے والد نے کہا کہ وہ تو اپنے بچوں کو دیکھنے جا رہے ہیں جو کہ پہلے ہی دہلی جا چکے ہیں اور وہ جلد واپس آ جائیں گے۔ لیکن نوجوان مصر تھے کہ وہ انھیں نہیں جانے دیں گے بلکہ انھیں کہنے لگے کہ آپ لوگ اسی ٹرین میں اگلے دن بے شک چلے جائیے گا۔

اس کے ساتھ ہی ان نوجوانوں نے بتایا کہ نارووال کے پل کے قریب اس ٹرین کے تمام مسافروں کو قتل کرنے کا منصوبہ بنا دیا گیا ہے لہٰذا میرے والدین کو انھوں نے کہا کہ آج کا دن رک جائیں کل بے شک چلے جائیں تاکہ ان کا سفر محفوظ رہے۔ ان نوجوانوں نے نہ صرف میرے والدین کو جو بیمار تھے پیدل پل پار کرنے میں مدد کی اور سرحد پر انھیں الوداع بھی کیا۔ میں اپنے والدین کے چلے جانے کے بعد چند دن اپنے گھر پر ہی رہا اور پھر واہگہ کے راستے بھارت منتقل ہوا۔

ایک بریگیڈئیر جس کا کہ انڈین آرمی میں تبادلہ ہو چکا تھا میرے والد کے پاس آیا اور کہا کہ وہ ان کی کس طرح مدد کر سکتا ہے میرے والد نے بریگیڈئیر کو کہا کہ وہ میرے بیٹے کو (یعنی مجھے) باحفاظت سرحد عبور کروا دے۔ چنانچہ میں اس کی فوجی جیپ کے پیچھے بیٹھ کر روانہ ہو گیا جو کہ گھریلو سامان سے بھری ہوئی تھی۔

ہمارا شہر سیالکوٹ، امرتسر جانے والی مین روڈ سے قدر ہٹ کر واقع ہے لیکن میں یہ دیکھ کر بہت خوفزدہ ہو گیا کہ ساری سڑک سیکڑوں لوگوں سے بھری ہوئی تھی۔ کچھ لوگ دوسری طرف سے پاکستان بھی آ رہے تھے لیکن جانے والوں کی تعداد زیادہ لگ رہی تھی۔ مجھے لاشوں کی بدبو آ رہی تھی۔ لوگ فوجی جیپ کے لیے راستہ چھوڑ رہے تھے۔ ایک جگہ پر ایک بوڑھے سکھ نے جس کی داڑھی ہوا میں اڑ رہی تھی ہماری جیپ روک کر منت کی کہ اس کے پوتے کو دوسری طرف پہنچا دیا جائے۔

میں نے اسے بتایا کہ میں نے حال ہی میں اپنی تعلیم مکمل کی ہے اور میں چھوٹے بچے کو پال نہیں سکتا۔ اس نے کہا کہ اس کے پوتے کو ریفیوجی کیمپ میں چھوڑ دیا جائے وہ بعد میں وہاں پہنچ جائے گا لیکن میں نے انکار کر دیا اور اس کا چہرہ آج تک میری آنکھوں میں گھوم رہا ہے اور مجھے اس پر بڑا ترس آ رہا ہے۔

سیالکوٹ میں ایک مالدار مسلمان غلام قادر نے اپنا بنگلہ کھول دیا اور میرے والد کو کہا کہ جب تک حالات معمول پر نہیں آتے آپ میرے بنگلے میں قیام کریں یہاں آپ محفوظ رہیں گے۔ اس وقت تک وہ بنگلہ خود ریفیوجی کیمپ بن چکا تھا جہاں ایک سو سے زیادہ لوگ رہنے لگے تھے۔ غلام قادر ان سب لوگوں کے لیے راشن کا بندوبست بھی کر دیا تھا اور ہمارا دودھ دینے والا گوالا بھی باقاعدگی سے صبح شام وہاں آتا تھا۔ جب میں نے سرحد عبور کی تو میرے پاس صرف ایک چھوٹا سا بیگ تھا جس میں کپڑوں کا ایک جوڑا اور 120 روپے کی نقدی تھی جو میری والدہ نے مجھے دیے تھے۔

لیکن اس کے ساتھ میرے پاس بی اے اونرز اور ایل ایل بی کی ڈگریاں بھی تھیں اور مجھے اعتماد تھا کہ میں جلد اپنا کیرئیر بنا لوں گا البتہ مجھے اپنے والد کے بارے میں بہت فکر تھا کہ وہ اب جالندھر میں نئے سرے سے کس طرح زندگی شروع کر سکیں گے لیکن میرے والد جلد ہی اپنے مریضوں میں بہت مقبول ہو گئے اور مریض جوق در جوق صبح شام ان کے پاس آنے لگے۔ میں وہاں سے دہلی چلا گیا جہاں میری خالہ دریا گنج میں رہ رہی تھیں۔ جامع مسجد قریب ہی تھی جہاں پر نان ویج non veg کھانا بڑے کم دام میں مل جاتا تھا جو میں وہاں کھاتا تھا۔ وہاں پر میری ملاقات ایک شخص سے ہوئی جو مجھے اردو کے اخبار ’’انجم‘‘ میں لے گیا اور یوں میرا صحافت کا کیرئیر شروع ہوا۔

ایک بڑی غلطی

سیالکوٹ میں جنم لینے والے کلدیپ نائر نے اپنی سوانح حیات ایک زندگی کافی نہیں میں لکھا ہے کہ ان کے والد کی خواہش تھی کہ وہ سیالکوٹ واپس چلے جائیں چنانچہ انھوں نے پاکستان کے سفیر اور مختلف سرکاری لوگوں سے رابطہ قائم رکھا حتی کہ سیالکوٹ کے ایک سابقہ ڈپٹی کمشنر فدا حسین کسی وفد کے ساتھ بھارت آئے تو ان سے خصوصی ملاقات کی اور استدعا کی کہ انھیں سیالکوٹ میں اپنی جائداد واپس دی جائے اور ان کو پاکستانی شہریت دی جائے فدا حسین نے بتایا کہ پاکستانی حکومت نے طے کیا ہے کہ بھارت جانے والے کسی غیر مسلم کو واپس نہیں لیا جائے گا اور اس کو پاکستانی شہریت بحال نہیں کی جائے گی ان کی جائدادیں بھارت سے آنے والے مسلمان مہاجرین کو الاٹ کی جائیں گی۔
کلدیپ نائر نے لکھا ہے کہ ان کے والد نے کہا تھا کہ آُپ بہت بڑی غلطی کر رہے ہیں یہ فیصلہ دونوں طرف کے انتہا پسندوں کو مضبوط کرے گا اور نفرت کے ایسے بیج بوئے گا جس کا نتیجہ دونوں اطراف کے لوگوں کو بھگتنا پڑے گا۔

Similar Posts:

Share your Thoughts:

This site uses Akismet to reduce spam. Learn how your comment data is processed.

Calendar

August 2021
M T W T F S S
 1
2345678
9101112131415
16171819202122
23242526272829
3031  
Show Buttons
Hide Buttons
%d bloggers like this: