میں ویکھیا ۔۔۔ معافیہ شیخ
میں ویکھیا
معافیہ شیخ
میں ویکھیا
کہ ویکھن والے سب لوکی تے
ویکھ نئیں سکدے
کس دے گھر دا آٹا مُکیا
کس دی جیب اے خالی
کس دے بال نے پُکھے سُتے
کس کوڑی نہ لبھی
میں ویکھیا
کہ ویکھن والے سب لوکی تے
ویکھ نئیں سکدے
کس دی اَکھ دے اتھرے اتھرو
کس کس ویلے نکلے
کون بچا کے، بچ کے آپوں آپ توں
لوکاں پِچھے نسے
میں ویکھیا
کہ ویکھن والے سب لوکی تے
ویکھ نئیں سکدے
کس دے گھر دیاں اِٹاں پُٹ کے
کس کس محل سجایا
کس نے اندروں باروں ٹُٹ کے
اپنا آپ گنوایا
میں ویکھیا
کہ ویکھن والے سب لوکی تے
ویکھ نئیں سکدے
کس دے نووَاں خوں لگیا
تے کس دی نیت میلی
کس دی راہ چہ روڑے پاوے
اُس دا اپنا بیلی
میں ویکھیا
کہ ویکھن والے سب لوکی تے
ویکھ نئیں سکدے
کہ رب بسیرا نہیں جے کردا
گرجا، مندر ہور مسیتی
رب تے بندے اندر وسدا
پاویں شرابِ دنیا پیتی
میں ویکھیا
کہ ویکھن والے سب لوکی تے
ویکھ نئیں سکدے
میں ویکھیا!!! کہ ویکھن والیاں دا تے راہ ڈکن
جیہڑے نہ ویکھن دے عادی
میں ویکھیا کہ ویکھن والے ؛ کملے، جھلے
کہلوون صرف فسادی
میں ویکھیا
کہ ویکھن والے سب لوکی تے
ویکھ نئیں سکدے