ہواواں دے خط ۔۔۔ عرفان اسلم
ہواواں دے خط
( عرفان اسلم )
راتیں ہوا تے خط لکھے سن
ہوکے، ہاواں، گلے، میہنے
سارے ای درد لکھ کے
اپنے آپ نوں پوسٹ کر دتے
تینڈا پتہ نہیں سی کول
ایتھے بہہ کے تینوں سوچدے پئے آں
تیرے نال بہہ کے کسے ہور نوں سوچاں گے
اسی مرن جوگے
اپنے پیاریاں دیاں قبراں تے
گھر بناون والے
ازلاں دے بد دعائے ہوئے
نہ سانوں سکھ دی نیندر آسی
نہ ای اینی سوکھی موت
ساڈے پیارے ہندے رہسن فوت
اساں راتاں وچ ہواواں تے
خط لکھدے رہساں
تے اپنے آپ نوں ای پاندے رہساں۔
Facebook Comments Box