پنچھیاں دا دھرم ۔۔۔ اقصیٰ گیلانی
پنچھیاں دا دھرم:اڈاری
(The bird’s religion is flying)
اقصیٰ گیلانی
اسیں کون آں؟
کتھوں آئے آں
تے کتھے چلے آں؟
کجھ پتہ نئیں
سانہوں ایناں پتہ اے
وچھڑی کونج وانگوں
اسیں وی کدھرے
پچھے رہ گئے آں
ساڈے ہر سوال دا جواب
سمے دی راہ تے کھلوتا
بڑے چآ نال سانوں اڈیکدا اے
ساتھیاں، تے منزل تک پہنچن لئی
دین دھرم دیاں فکراں نوں
دل وچوں کڈھنا پینا اے
سب توں پہلاں کھمب جھاڑ کے
اگے ودھنا پینا اے
اقصیٰ گیلانی
Facebook Comments Box