دو غزلاں ۔۔۔ فرح خاں
دو غزلاں
فرح خاں
1۔
..ایڈی وی مجبوری کاہدی
ملنا اے تے دوری کاہدی
کد رک جاون خبر نہ کوئی
ساہواں دی مغروری کاہدی
اکلاپے نیں مار مکایا
ادھی آں میں پوری کاہدی
خون وگا نا ڈاھڈا اوکھا
پانی دی مزدوری کاہدی
میں جیندی دا حال ناں پچھیا
مویاں بعد مشہوری کاہدی..
2..
مکدی گل مکا کے روۓ
اوہنوں دلوں بھلا کے روۓ
آپ سیاپا کیتا اپنا
کفنی گل وچ پا کے روۓ
اکو حال سی دونویں پاسے
-سن کے کدی سنا کے روۓ
ساون اکھاں وچ لہہ آیا
– جد یاداں دفنا کے روۓ
اج فرح بے وس ہوۓ تے
– فوٹو سینے لا کے روۓ
Facebook Comments Box