میں تاں جھلی ہوئی ۔۔۔ نسرین انجم بھٹی
میں تاں جھلی ہوئی
نسرین انجم بھٹی
میں تاں جھلی ہوئی
یار فرید پچھے
اک یار سجن دی دید پچھے
تسیں جھلی جھلی اج آکھو مینوں
سوہنے
پیر فقیر وید فرید پچھے
لکھ شکر منوائے
جند تتڑی دی جے
کرم بھرمائے نمانے مرید پچھے
اکھ دی پٹار ہن اتھرو کتتدی
چومب سولی چائی عشق بے دید پچھے
اج جوگتاں لوک کریندے نسرین
مارن اکھراں دے روڑے
ان بھل نوید پچھے
تاہنگ سجن وی کیتا جھلی
چن ویکھاں ٹک ٹک عید پچھے
Facebook Comments Box