کوڑا پھل ۔۔۔ صفیہ حیات

کوڑا پھل

( صفیہ حیات )

۔ ساریاں نمازاں

میری چنی وچ بھنی رہِ گئیاں

 تے میں بالاں نال

 راتی بھکی ستی۔

۔ باپو آنہدا سی

سبھ ٹھیک ہو جانا

جے صبر کرو پھل میٹھا ہوندا

ہن پتہ چلیا

 باپو تاں صرف

 اپنے باغاں وچّ لگے

 مٹھے میویاں پھلاں دی

 گلّ کردا سی

ویہڑے ولگناں وچّ

اگیاں دھریکاں دی نہی

 ساری حیاتی صبر کرکے وی

جہنا نوں کدے وی

مٹھے پھل نہیں پیندے ۔

دھریکاں تے دھیاں دی ھونی

 کنی ملدی جلدی اے

Share your Thoughts:

This site uses Akismet to reduce spam. Learn how your comment data is processed.

Show Buttons
Hide Buttons
%d bloggers like this: