غزل ۔۔۔ الفت تنویر بخاری
غزل
اُلفت تنویر بخاری
چپ چپیتے دکھ پئے جریئے
ڈر دے مارے گل نہ کریئے
جد وی جتن اوہو جتن
جد وی ہرئے، آپاں ہریئے
گُچھی مُچھی ہو پے رہیئے
لیکوں بنے پیر نہ دھریئے
ایہو چاہندے او ناں سر جی !
رب توں ودھ تساتھوں ڈریئے
اک واری دل ڈُلھ جاوے تے
ساری عمر پے ہوکے بھریئے
ہن تے سُفنے وی نہیں اوندے
کدھر اُڈ ھیوں نی پریئے
اُلفت جیہڑا جین نہ دیندا
اوہدی گل اتے کیہہ مریئے
Facebook Comments Box