غزل ۔۔۔ نینی مظفر

غزل

( نینی مظفر )


زندگی ہو گئ بسر تنہا
قافلہ ساتھ اور سفر تنہا

ہر طرف شور و غل ہے لوگوں کا
اور نیزے پہ ایک سر تنہا

کس طرح توڑ دوں میں زنجیریں
کس طرح چھوڑ دوں میں گھر تنہا

دیکھ پہلے نہیں کمی کوئی
اور مجھ کو نہیں تو کر تنہا

ہونٹ کرتے ہیں پیاس کا گریہ
آہ بھرتی ہے چشمِ تر تنہا

چار سو بھیڑ ہے قیامت کی
جی رہی ہوں یہاں مگر تنہا

کیا خبر اس کو مر چکی ہوں میں
کہہ رہا ہے جو مجھ کو مر تنہا.

Share your Thoughts:

This site uses Akismet to reduce spam. Learn how your comment data is processed.

Show Buttons
Hide Buttons
%d bloggers like this: