مائے نی میں کنوں دساں ۔۔۔ سعیدہ ہاشمی
مائے نی میں کنوں دساں
سعیدہ ہاشمی
کچ دیاں ہریاں چوڑیاں
رنگ پوروں آیاں
آیا پیلا جوڑا
میں تے انگ نہ لایا
کِلیاں تے ٹنگے رہے پراندے
میں ہار سنگھار نہ کیتا
میں نہیں روپ وٹایا
مائے جی
ویکھ توں میرے چالے
وچ دہلیز دے کھڑی میں رہ گئی
رانجھا یار نہ آیا
میں پیتے زہر پیالے
مائے نی تیرے بوہے اگے
اُترے سن ونجارے
میں جھلی اپنی لہر دے وچ
منگ لتے چن تارے
دل دی ان چھوئی دھرتی تے میں
ریت دے محل اسارے
سفنے وچ ٹردی جاواں
رُخ سی ول بُخارے
پکے دی تھاں کچا رکھیا
ویکھ نناناں دے کارے
مائے نی میں چڑھے چناں وچ
کچے اُتے تر گئی
مائے نی میں جت لئی بازی
لوکی آکھن مر گئی
Facebook Comments Box